“Ватанпарвар” ташкилоти Бухоро автомобиль мактаби ўқитувчиси ушланди

Департаментнинг Бухоро вилоят бошқармаси томонидан фуқаро Ж.А.нинг аризасига асосан тезкор тадбир ўтказилди, деб хабар бермоқда Бош прокуратура матбуот хизмати.

Унда Ўзбекистон мудофаасига кўмаклашувчи “Ватанпарвар” ташкилоти Бухоро автомобиль мактаби ўқитувчиси Ф.Н. Ж.А.ни алдаб, уни ҳайдовчилик гувоҳномасини олиш учун имтиҳонга киритиш ва имтиҳондан ўтказиб бериш эвазига 500 минг сўм олган вақтда ушланган.

Мазкур ҳолат юзасидан Ўзбекистон Мудофаасига кўмаклашувчи Ватанпарвар ташкилоти Бухоро автомобил мактаби ўқитувчиси Ф.Н.га нисбатан ЖКнинг тегишли моддалари билан жиноят иши қўзғатилиб, тергов ҳаракатлари ўтказилмоқда.