Қўшимча функционаллар
-
Тунги кўриниш
Қозоғистондаги йирик ЙТҲда ҳалок бўлганлар орасида Ўзбекистон фуқаролари йўқлиги маълум бўлди
Ҳалок бўлганларнинг шахсига тўла аниқлик киритилгач, 8 нафар қурбон орасида 2 нафар ўзбекистонлик ҳам борлиги ҳақидаги бирламчи маълумот нотўғри экани маълум бўлди. Касалхонага ётқизилган 10 кишидан 5 нафари – ўзбекистонликлар, улардан бирига уйига жавоб берилган.
Фото: Zakon.kz
Ўзбекистон Фавқулодда вазиятлар вазирлиги Қозоғистонда содир бўлган йўл-транспорт ҳодисаси юзасидан қўшимча маълумот берди.
Бугун, 16 июл куни Қозоғистоннинг Қарағанда области, Шетский туманида “Ман” юк машинаси ва Меrcеdеs-Benz Sprinter йўловчи микроавтобуси тўқнашиши оқибатида йўл-транспорт ҳодисаси содир бўлган.
Ўрганиш натижаларига кўра, Меrcеdеs-Benz Sprinter микроавтобуси салонида бўлган 18 нафар йўловчидан 8 нафари - Қозоғистон фуқаролари воқеа жойида вафот этган, ҳалок бўлган фуқаролар шахсига аниқликлар киритилганида улар орасида Ўзбекистон фуқаролари йўқ экани аниқланган.
Шунингдек, 10 киши турли даражаларда тан жароҳати олган, уларнинг 5 нафари Ўзбекистон фуқаролари бўлиб, айни вақтда уларга Aксу-Aюли қишлоқ касалхонасида малакали тиббий хизмат кўрсатилмоқда. Улардан 1 нафарига амбулатор даволаниш учун рухсат берилган.
ФВВ томонидан аввалги берилган бирламчи шошилинч хабарда 2 нафар Ўзбекистон фуқароси ҳалок бўлгани айтилганди.
Қозоғистон масъул хизматлари томонидан мукаммал ўрганилиб, фуқароларнинг шахсига аниқликлар киритилганда, ҳалок бўлганлар орасида Ўзбекистон фуқаролари йўқлиги маълум бўлди.
Мавзуга оид
17:07 / 12.02.2026
Қозоғистонда Конституцияни янгилашмоқчи. Бу Тўқаевнинг ҳокимиятини мустаҳкамлаши мумкин
15:29 / 12.02.2026
Абдулла Қодирий кўчасида ЙТҲ: Mercedes тўсиққа урилди
18:44 / 11.02.2026
Қозоғистонда янги Конституция бўйича референдум санаси белгиланди
10:44 / 11.02.2026