Cobalt va Damas учун шартнома декабр ойининг иккинчи ярмида очилади

Декабр ойининг иккинчи ярмида 2024 йилда ишлаб чиқарилиши режалаштирилган оммабоп автомобиллар учун онлайн контрактация очилиши режалаштирилган. Cobalt нархи 124 млн 264 минг сўмдан, Damas нархи эса 93 млн 156 минг сўмдан бошланади.

Фото: Kun.uz

UzAuto Motors декабр ойининг иккинчи ярмида 2024 йилда ишлаб чиқарилиши режалаштирилган оммабоп автомобиллар учун онлайн контрактация очишни режалаштиряпти. Аниқ сана компаниянинг расмий саҳифаларида алоҳида эълон қилинади.

Нархлар қуйидагича бўлади:

Cobalt - 124 млн 264 минг сўмдан;
Damas - 93 млн 156 минг сўмдан;
Labo - 93 млн 771 млн сўмдан.

“Оммабоп автомобил моделларини харид қилиш учун шартномалар бериш бошланган кунларда, контрактацияни автосалонлардан эмас, балки фақат онлайн тарзда UzAutoSavdo иловаси ва savdo.uzavtosanoat.uz веб-сайти орқали расмийлаштириш мумкин бўлади”, дейилади хабарда.

Аввалроқ, UzAuto Motors шартнома беришнинг тўлиқ онлайн шаклига ўтишни режалаштираётгани хабар қилинганди. Қачондан бу тартибнинг жорий этилиши ҳозирча номаълум.

Тайёрлаган: Достон Аҳроров

#шартнома #UzAuto Motors