Қўшимча функционаллар
-
Тунги кўриниш
Тошкентда чиқинди қарзи туфайли 6 минг абонентнинг электр тўлови вақтинча чекланди
1044-сонли қонунга мувофиқ, Toza makon биллинг тизими орқали қарздорлар рўйхати «Ҳудудий электр тармоқлари» АЖга узатилди. Огоҳлантирилганидан сўнг 5 кун ичида қарзини қопламаган 6 минг абонентнинг электр энергияси учун тўлов қилиш имконияти вақтинча чекланди.
Фото: Kun.uz
Тошкент шаҳри бўйича 2025 йил 5 ноябрь куни чиқинди хизмати қарздорлиги 2 млрд 239 млн сўмга яқин экани сабабли, жами 25 121 абонент «ҲЭТ» АЖнинг 2100 қисқа рақамидан СМС орқали огоҳлантирилди. Огоҳлантириш берилганидан кейин 5 календар кун ичида қарзини тўламаган 6 минг абонентнинг электрга тўлов қилиш имконияти (онлайн/касса орқали) бугундан вақтинча чекланди. Чеклов қарз бартараф этилган заҳоти дарҳол олиб ташланади.
Ҳозирги пайтда пойтахт кесимида чиқинди хизматларидан 582 млн сўмдан ортиқ дебитор қарздорлик сақланмоқда.
Чиқиндиларни тўплаш ва олиб чиқиш хизматларида тўлов интизомини кучайтириш учун янги механизм жорий этилган. Ҳар ойнинг 3-санасигача қарздорлар рўйхати Toza makon'дан «ҲЭТ» биллингига узатилади.
2025 йил 30 июнгача юзага келган қарздорликка чеклов татбиқ этилмайди. 2025 йил 1 июлдан кейин шаклланган қарздорликлар бўйича тартиб 5 ноябрдан амалга қўлланмоқда.
Механизм декабр ойидан бошлаб республика бўйлаб қолган ҳудудларда ҳам жорий этилади.
Мавзуга оид
16:18 / 02.12.2025
Хизмат йўқ, лекин тўлов бор: 5 та чиқинди ташиш корхонасининг қонунбузарлиги аниқланди
20:22 / 30.11.2025
Наманганда чиқиндидан электр энергияси ишлаб чиқарадиган завод қурилиши бошланди
09:59 / 26.11.2025
Хитой компанияси Навоийда атмосферага заҳарли чиқиндилар ташлашни камайтириш бўйича лойиҳаларни амалга оширади
12:59 / 24.11.2025