Асосий олимпиаданинг туман (шаҳар) босқичи саналари маълум қилинди

Олимпиадада мактаб босқичида ғолибликни қўлга киритган ўқувчилар иштирок этади.

Фанлар бўйича ўтказиладиган босқичлар қуйидагича белгиланган:

• 14 октябр – Математика;
• 15 октябр – Кимё;
• 16 октябр – Физика;
• 17 октябр – Информатика ва АТ;
• 18 октябр – Биология;
• 20 октябр – Тарих, География;
• 21 октябр – Рус тили ва адабиёти, Давлат ва ҳуқуқ асослари;
• 22 октябр – Инглиз тили, Немис тили, Француз тили, Тожик тили;
• 23 октябр – Она тили ва адабиёт, Ўзбек (Давлат) тили, Қозоқ тили, Қорақалпоқ тили ва адабиёти.

Олимпиадалар ҳар куни соат 10:00 дан 17:00 гача бўлиб ўтади. Иккинчи босқич 1 турда, тест шаклида ўтказилиши мумкин.

Ҳар бир фан бўйича энг юқори натижани кўрсатган 3 нафар ўқувчи кейинги босқичга йўлланади. Натижалар эса ўша куннинг ўзида эълон қилинади.

Белгиланган вақтда қатнашмаган ўқувчилар учун қайта топшириш имконияти берилмайди.