Қўшимча функционаллар
-
Тунги кўриниш
Прокуратура ва ДХХ ходимларининг дахлсизлиги қисқартирилади
Сенатнинг 25-ялпи мажлисида сенаторлар «Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Ўзбекистон Республикаси Қонунини маъқуллади. Бу ҳақда Kun.uz мухбири хабар бермоқда.
Мазкур қонун билан прокуратура органлари ва Давлат хавфсизлик хизмати ходимлари жавобгарлигини ошириш мақсадида “Прокуратура тўғрисида”ги ва “Ўзбекистон Республикаси Давлат хавфсизлик хизмати тўғрисида”ги қонунлардан мазкур органлар юқори турувчи мансабдор шахсларининг розилиги билан маъмурий жавобгарликка тортиш тўғрисидаги нормалар чиқариб ташланди.
“Прокуратура тўғрисида”ги Ўзбекистон Республикаси қонунининг 50-моддасига (Прокуратура органлари ходимининг дахлсизлиги) мувофиқ ҳозирда прокуратура органлари ходимларининг маъмурий ҳуқуқбузарлик ва интизомий ножўя хатти-ҳаракат учун жавобгарлиги масаласи юқори турувчи прокурор томонидан ҳал этилади. Янги таҳрирда эса сўнгги банд олиб ташланган. Эндиликда прокуратура органлари ходимларининг маъмурий ҳуқуқбузарлик ва интизомий ножўя хатти-ҳаракати учун жавобгарликка тортишда раҳбарият розилиги талаб этилмайди.
“Ўзбекистон Республикасининг Давлат хавфсизлик хизмати тўғрисида”ги қонунининг 37-моддасидан (Давлат хавфсизлик хизмати ҳарбий хизматчиларининг дахлсизлик кафолатлари) Давлат хавфсизлик хизматининг ҳарбий хизматчилари тегишинча Давлат хавфсизлик хизмати раисининг, Давлат хавфсизлик хизматининг Қорақалпоғистон Республикаси, вилоятлар ва Тошкент шаҳри бўйича бошқармалари бошлиқларининг розилиги билан маъмурий жавобгарликка тортилиши мумкинлиги тўғрисидаги норма чиқариб ташланяпти.
Сенаторлар мазкур ўзгаришлар прокуратура органлари ва ДХХ хизматчиларининг масъулиятини оширишга қаратилганини қайд этдилар.
Тавсия этамиз
Сўнгги янгиликлар
-
“Ёпилган иш” ёхуд отган ўқи ўзига қайтган терговчининг иқрори
Жамият | 15:23
-
Навоийда икки нафар ёшлар етакчиси ЙТҲ оқибатида ҳалок бўлди
Жамият | 15:03
-
Руминияда қайта президентлик сайловлари бошланди
Жаҳон | 14:58
-
“Интер Милан” клуби ҳар қандай жамоа учун бошоғриқ бўла олади” – Ориф Толипов
Спорт | 14:47
Мавзуга оид
09:36 / 01.05.2025
Фуқароларни ноқонуний йўллар билан АҚШга юбормоқчи бўлганлар ушланди
17:03 / 28.04.2025
Бош прокуратура, ДХХ ва ТИВ вакиллари мигрантлар ҳуқуқларини ҳимоя қилиш бўйича йиғилишда қатнашиш учун Россияга кетди
13:04 / 24.04.2025
Тошкентда Марказий Осиё давлатлари махсус хизматлари раҳбарларининг биринчи учрашуви бўлиб ўтди
10:53 / 22.04.2025
Жомбой тумани ФВБ бошлиғи пора билан ушланди
