Энергетика вазири: 10 кун ичида аҳолига 2318,7 млн киловатт-соат электр энергияси етказиб берилади

19 январ куни АОКАда совуқ кунларда аҳолини газ, электр энергияси ва кўмир билан таъминлашда кузатилаётган муаммолар мавзусида энергетика вазирлиги мутасаддилари иштирокида брифинг ўтказилди.

Энергетика вазири Алишер Султонов январ ойи охирида Ўзбекистонда совуқ об-ҳавонинг янги тўлқини нолдан паст ҳароратгача тушиши кутилаётгани, бу эса аҳолида электр энергияси ва газга бўлган талаб ошишига олиб келишини айтиб ўтган.

«Шуни ҳисобга олган ҳолда 10 кун ичида республика истеъмолчиларига 2318,7 млн киловатт-соат электр энергияси етказиб бериш режалаштирилган. Ҳозирги кунда республика вилоятлари бўйича кўмир омборларида жами 156 минг 635 тонна кўмир ва брикет захираси мавжуд», деган вазир.