Ўзбекистон Республикаси Президентининг расмий веб-сайти ишга туширилди

Скриншот: President.uz

Ўзбекистон Республикаси Президентининг расмий веб сайти бўлмиш president.uz сайтининг дизайни ўзгарди ва фойдаланиш учун янада қулай кўринишга келтирилди.

Веб-сайтда мамлакат президенти томонидан эълон қилинган фармон, қарор ва фармойишлар бериб борилади. Бундан ташқари, президентнинг хориж ва мамлакат бўйлаб қилган сафарлари ҳамда истиқболдаги режалари ёритиб берилади.

Веб-сайт “Президент”, “Ўзбекистон”, “Воқеалар”, “Ҳужжатлар”, “Медиатека” ва “Боғланиш” каби рукнлардан иборат бўлиб, мавзулар ҳам рукнларга монанд жойлаштирилган.

Бундан ташқари, мазкур сайт орқали Президентнинг шахсан ўзига мурожаат юбориш имконияти тақдим этилган. Қолаверса, “Воқеалар тақвими” орқали бошқа маълумотлар билан ҳам танишиш мумкин.

Янги веб-сайт олдингисига қараганда замонавий ва қулай дизайнга эга тарзда шакллантирилган.

#Ўзбекистон #вебсайт