АҚШ савдо вакили Кэтрин Тай Ўзбекистонга ташриф буюради

АҚШ савдо вакили Кэтрин Тай 2024 йилнинг 11-12 июн кунлари Ўзбекистонга, 2024 йилнинг 13-15 июн кунлари эса Қозоғистонга ташриф буюради.

11 июн, сешанба куни элчи Тай Ўзбекистон президенти Шавкат Мирзиёев билан учрашади. 

Элчи Тай Ўзбекистон президентининг биринчи ёрдамчиси Саида Мирзиёева билан ҳам учрашиши кўзда тутилган.

Бундан ташқари, Тай Ўзбекистон бош вазири ўринбосари Жамшид Хўжаев, инвестициялар, саноат ва савдо вазири Лазиз Қудратов, бандлик ва қашшоқликни қисқартириш вазири Беҳзод Мусаев билан учрашув ўтказади.

Элчи Тай Халқаро меҳнат ташкилоти (ХМТ) томонидан тайёрланган Ўзбекистон форуми аъзолари ва меҳнат кузатувчилари билан ҳам учрашади. 

12 июн, чоршанба куни Тай Самарқанд шаҳрида бўлади. У Самарқанд вилояти ҳокими Эркин Турдимов билан учрашади. У маданий ёдгорликлар ва йирик тарихий обидаларга ҳам ташриф буюради.

13 июн, пайшанба куни элчи Кэтрин Тай Қозоғистоннинг Остона шаҳрига боради. У Ўзбекистон, Қозоғистон, Қирғизистон, Тожикистон ва Туркманистон расмийлари иштирокида «АҚШ-Марказий Осиё» савдо ва сармоявий ҳадли битими кенгаши йиғилишига раислик қилади.