«Зарафшон» миллий табиат боғи Экология қўмитаси тизимига ўтказилади

Вазирлар Маҳкамасининг “Зарафшон” миллий табиат боғи фаолияти ва “Судочье-Акпетки” давлат буюртма қўриқхонасининг айрим масалалари тўғрисида”ги қарори лойиҳаси эълон қилинди.

Экология қўмитаси, Ўрмон хўжалиги қўмитаси ва Самарқанд вилоят ҳокимлигининг Жомбой ва Булунғур туманлари ҳудудида жойлашган, умумий майдони 2 426,2 гектар бўлган “Зарафшон” миллий табиат боғини штат бирликлари ва моддий-техник базаси билан бирга ҳамда молиялаштириш тартибини сақлаб қолган ҳолда Ўрмон хўжалиги қўмитаси тасарруфидан Экология қўмитаси тизимига ўтказиш тўғрисидаги таклифига розилик берилади.

Республика комиссияси:

• “Зарафшон” миллий табиат боғининг барча мол-мулки ва бошқа объектларини, шу жумладан, унинг питомнигидаги ҳайвонларни хатловдан ўтказади;
• “Зарафшон” миллий табиат боғини штат бирликлари ва моддий-техник базаси билан бирга ҳамда амалдаги молиялаштириш тартибини сақлаб қолган ҳолда белгиланган тартибда Давлат экология қўмитасига қабул қилиниши-топширилишини таъминлайди.

“Зарафшон” миллий табиат боғида Фанлар академияси билан биргаликда табиий объектлар мониторинги юритилади ва илмий-тадқиқот ишлари ташкил этилади.

Бухоро буғулари учун яшаш жойларини яхлит сақлаш, дарёда сув сатҳининг пасайиши натижасида қирғоқларидаги тўқайзорларга бўлаётган салбий таъсир олдини олиш мақсадида миллий табиат боғи ҳудудини кенгайтириш бўйича Вазирлар Маҳкамасига таклиф киритилади.