Қашқадарёда Т-28 трактори ва Nexia ўзаро тўқнашди

Қашқадарё вилояти Қарши туманида трактор ва Nexia ўзаро тўқнашган. Вилоят ИИБ ахборот хизматининг хабар беришича, мазкур йўл-транспорт ҳодисасида ҳеч ким тан жароҳати олмаган. Фақат ҳар иккала транспорт воситасига жиддий зарар етган.

Маълум қилинишича, 2021 йил 6 октябрь куни соат тахминан 20:45ларда Қарши тумани ҳудудидан ўтувчи Бешкент-Навруз-Чандир-Жейнов автомобиль йўлининг Қовчин қишлоғи ҳудудидан ўтган 4-километрида Nexia машинаси ва Т-28 русумли трактор иштирокида йўл-транспорт ҳодисаси содир бўлган.

Nexia машинаси ҳайдовчиси Қовчин-Бешкент йўналишида ҳаракатланиб келиб, қарама-қарши йўналишда келаётган Т-28 русумли трактор билан тўқнашган. Қайд этилишича, мазкур йўл-транспорт ҳодисасида ҳеч ким тан жароҳати олмаган. Фақат ҳар иккала транспорт воситаси жиддий шикастланган.

Таъкидланишича, ҳозирда ҳолат юзасидан Қарши туман ИИБ ЙҲХБ томонидан суриштирув ҳаракатлари олиб борилмоқда.