Ҳайдовчилар уч хил ҳужжатни кўрсатиш мажбуриятидан озод бўлади

Ҳукумат қарори билан, 2021 йил 1 сентябрдан бошлаб, ҳайдовчилардан қуйидаги ҳужжатларни талаб қилиш тақиқланади:

• транспортни бошқариш учун ишончнома (нотариал тартибда тасдиқланган);
• автомобил техник кўрикдан ўтказилгани тўғрисидаги маълумот;
• «тонировка» рухсатномаси.

Ушбу ҳужжатлар электрон шаклга ўтказилади.

Бу – 4 май куни қабул қилинган «Йўл ҳаракати хавфсизлиги соҳасида давлат хизматлари кўрсатиш тартиб-таомилларини соддалаштириш чора-тадбирлари тўғрисида»ги ҳукумат қарорида назарда тутилган.

Шунингдек, 2021 йил 1 августдан бошлаб автомототранспорт воситалари ва шаҳар электр транспорти воситалари ҳайдовчилигига номзодлардан имтиҳонларни қабул қилиш учун ҳужжатларни ва миллий ҳайдовчилик гувоҳномасини расмийлаштириш Ягона интерактив давлат хизматлари портали (ЯИДХП) орқали амалга оширилади.