Kia янги K3 седани сотуви бошланганини эълон қилади

Янги седан кундалик фойдаланишда шинамлик, қулайлик ва ишончни қадрлайдиганлар учун яратилган. Модел замонавий ҳайдовчилар кутганидек эргономик салон, юқори даражадаги жиҳозланиш ва мувозанатлаштирилган хусусиятларни тақдим этади.

K3 номи “куч” сўзига ҳамоҳанг бўлиб, автомобилнинг ўзига хослигини кўрсатади: ишончли, технологик жиҳозланишга эга ва пухта ўйланган. Ўзининг ўлчамлари ва жиҳозланиши туфайли Kia K3 юқори тоифадаги моделлар билан таққосланадиган қулайлик даражасини тақдим этади.

Автомобилнинг ўлчамлари 4545 × 1765 × 1475 мм, юкхонанинг ҳажми эса 544 литрга етади.

Дизайн

Экстерьер Kia Opposites United (“Қарама-қаршиликлар бирлиги”) фалсафаси асосида ишлаб чиқилган бўлиб, Power to Progress (“Прогресс учун энергия”) концепциясига урғу берилган. Star Map олд ёритиш чироқлари моделнинг замонавий ва танилган кўринишини шакллантиради, янгиланган "йўлбарс табассуми" радиатор панжараси эса автомобилнинг технологик хусусиятини ифодалайди.

Динамик fastback қиёфаси, бирлаштирилган орқа томон оптика тизими ва ифодали кузов чизиқлари автомобиль кўринишини замонавий ва таъсирчан қилиб кўрсатади. Комплектациясига қараб, диаметри 15 дан 17 дюймгача бўлган ғилдирак дисклари мавжуд.

GT Line версияси ўзининг экстерьери ва интерьерининг спорт элементлари билан ажралиб туради: оригинал бамперлар, 17 дюймли дисклар, ўриндиқларнинг икки рангли қопламаси, қора шифт ва педаллардаги металл қопламалар. Модель учун бешта кузов ранги мавжуд: оқ, кумуш, тўқ кулранг, оқ марварид, қора марварид.

Интерьер

Kia K3 интерьери Technology for Life ("Турмуш учун технологиялар") тамойили асосида ишлаб чиқилган бўлиб, қулайлик ва функционалликка йўналтирилган. Олд панелнинг горизонтал архитектураси салон майдонини визуал равишда кенгайтиради, мультимедиа ва иқлим назорати бошқарув элементлари эса ягона эргономик ҳудудга бирлаштирилган.

Комплектацияга қараб, Supervision рақамли қурилмалар панели, 10,25 дюймгача экранга эга мультимедиа тизими, Apple CarPlay ва Android Auto тизими қўллаб-қувватлаши, смартфон учун симсиз қувватлаш тизими ва электр юритмали люк мавжуд.

Қўшимча қулайликни яхшиланган шовқин изоляцияси, икки ҳудудли иқлим назорати, ўриндиқларнинг иккинчи қатори учун дефлекторлар ва “Иссиқлик берувчи опциялар” пакети таъминлайди. 64 хил рангга эга атмосферали ёриткич интерьерни кайфиятга мослаштириш имконини беради.

Двигателлар ва юриш сифати

Ўзбекистон бозорида Kia K3 иккита бензинли двигател билан таклиф этилмоқда:

• 6 поғонали механик узатмалар қутиси билан биргаликда 100 от кучига эга 1.4 MPI;

• 6 поғонали автомат узатмалар қутиси билан 123 от кучига эга 1.6 MPI.

Осма тизими қулайлик ва бошқарувчанлик мувозанатига мослаштирилган, 165 мм клиренс эса турли йўл шароитларида ишончни таъминлайди. Аэродинамик қаршилик коэффициенти Cd = 0,294 ни ташкил этиб, юқори тезликларда ёнилғи сарфини камайтириш ва барқарорликни таъминлашга хизмат қилади.

Хавфсизлик

Базавий жиҳозланишга ABS, ESC, TPMS, юқорига кўтарилишда старт ёрдамчиси, орқа томон камераси ва ISOFIX маҳкамлагичлари киради. Комплектацияга қараб, автомобиль 2 тадан 6 тагача хавфсизлик ёстиқчаларига эга ва ADAS тизимлари мажмуаси, жумладан, йўл тасмасида ушлаб туриш, кўринмас ҳудудларни назорат қилиш ва орқа томонга ҳаракатланишда огоҳлантириш тизими билан жиҳозланган.

Kia K3 тўртта комплектацияда мавжуд:

Classic – 219 900 000 сўм;

Luxe – 239 900 000 сўм;

Prestige – 269 900 000 сўм;

GT-Line – 299 900 000 сўм.

Моделга Kia кафолати қўлланади – 5 йил ёки 150 000 км йўл босиш.

Телефон: (+998) 55-500-83-33

Сайт | Facebook | Instagram | Telegram | YouTube

Реклама ҳуқуқи асосида