Ўзбекистонда шажарани аниқлаш имконини берувчи янги экспертиза тури жорий этилади

{Yii::t(}

Ўтказиб юбориш 6s

Ўтказиб юбориш

“Ўзбекистон президентининг 4125-сонли қарорига асосан марказимизда пулли хизматлар сони кўпайтирилмоқда. Жумладан, Y-хромосома орқали генетик келиб чиқиш тадқиқотларини йўлга қўйиш режалаштириляпти. Бу борада лабораториямизда нафақат пулли хизматлар кўрсатамиз, балки экспертиза жараёнида ҳам Y-хромосомалар орқали кўп жиноятларни очишда ёрдам берамиз.

Y-хромосома бу одатда эркак жинсидаги шахсларда ота авлоддан наслдан наслга ўтадиган генетик белги ҳисобланади ва у ота авлод бўйича ўтиб боради. Умуман, ДНК шундай моддаки, у нафақат одамнинг шахсини, қариндошлигини, балки унинг келиб чиқишини, ҳаёти давомида мавжуд бўлган касаллиги ҳақида маълумотлар олиш имкониятини берувчи модда ҳисобланади. Шу тадқиқотлар йўли орқали бизга мурожаат қилган фуқароларнинг ота авлод бўйича келиб чиқиши кимларга бориб тақалишини аниқлашимиз мумкин”, дея Дилобар Аҳмедованинг сўзларини келтирмоқда Kun.uz мухбири.

Мутахассиснинг таъкидлашича, бундай экспертиза тадқиқотларини ўтказиш учун буюртмачиси ҳамда солиштирма намуна зарур бўлади.

“Бундай экспертиза билан кўп фуқаролар қизиқишган. Ҳатто марказимизга биз амир Олимхоннинг Ўзбекистонда қолган авлодлари ҳисобланамиз, шуни экспертиза йўли билан тасдиқлаб бера оласизларми, деб мурожаат қилиб ҳам келишган. Буни аниқлаш учун ҳозирги кунда ҳаёт бўлган ва амир Олимхоннинг авлоди экани аниқ бўлган қариндошларидан намуна олишимиз ва буюртмачининг намуналари билан солиштиришимиз керак бўлади”, - дейди марказнинг Одам ДНК суд-биологик экспертизаси лабораторияси мудири.

Матбуот анжуманида жорий этилиши режалаштирилаётган экспертиза орқали одамларнинг этногенетик келиб чиқишини, яъни этногенез бўйича турк, араб, тожик ёки бошқа этник гуруҳга мансублигини ҳам аниқлаш мумкин бўлиши билдирилди.

Аввалроқ, оталикни аниқлаш бўйича ДНК экспертизасини ўтказиш нархи маълум қилинган эди.