Ўзбекистон вакиллари Таиландда шахмат бўйича мактаб ўқувчилари ўртасидаги жаҳон чемпионатида қатнашади

7 май куни Таиланднинг Паттайя шаҳрида мактаб ўқувчилари ўртасида шахмат бўйича жаҳон чемпионати баҳслари бошланади. Бу ҳақда Ўзбекистон Миллий Олимпия қўмитаси матбуот хизмати хабар бермоқда.

Мазкур дунё биринчилиги швейцарча тизимда 9 турдан иборат бўлиб, унда Ўзбекистон шарафини 2014 йили Бразилияда бўлиб ўтган мактаб ўқувчилари ўртасидаги жаҳон чемпионати ғолиб ва совриндорлари ака-ука Жавоҳир ҳамда Исломбек Синдаров, шунингдек, Акобирхон Сайдалиев, Абдулбосит Шарифжонов ва Сухробжон Аввалбоев ҳимоя қилади.

Барча ёш гуруҳларида ғолиб ва совриндорлар 14 май куни маълум бўлади.