Ўзбекистонга Хитой делегацияси келади

Ўзбекистонга Сямэнь шаҳрининг Хорижий ишлар ва хориждаги хитойлик муҳожирлар ишлари бўйича девони бош директори Хун Чэнцзун бошчилигидаги Хитой делегацияси ташриф буюради. Бу ҳақда Ўзбекистон савдо-саноат палатаси хабар бермоқда.

Делегация Сямэнь шаҳрида 8-11 сентябрь кунлари бўлиб ўтадиган Халқаро савдо-иқтисодий ярмарка нуфузини Марказий Осиё мамлакатларида ошириш, қўшни мамлакатлардан ушбу ярмаркага ташриф буюрувчи манфаатдор шахслар сонини кўпайтириш мақсадида ташриф буюради.

Хабар беришларича, 6 кишидан иборат делегация 2015 йилнинг май-июнь ойларида Ўзбекистонга келиши кутилмоқда.