Испания полицияси ананаслар ичидан 200 кг кокаин аниқлади

Испания полицияси ананаслар ичига солинган 200 кг кокаинни аниқлади, деб айтилмоқда Испания Ички ишлар вазирлиги берган хабарда.

Ичига гиёҳванд модда солинган цитрус мевалар Жанубий Америкадан Альхесирас шаҳри портига келган кемадаги 10 та транспорт контейнерида топилган.

“Минглаб барра ананаслар орасида ички эти ўйиб олиниб, ичига кокаин солинган ананаслар ҳам топилди: ананас ичига кокаин солингандан кейин унинг усти ананас этига монанд қилиб сариқ мум билан қоплаб қўйилган”, дейилмоқда хабарда.
Полиция ходимлари тергов доирасида 3 кишини ҳибсга олишди, яна бошқа ҳибсга олишлар эҳтимоли мавжудлиги айтилмоқда
Қайд этилишича кема юкни Мадрид ва Барселона яқинидаги Сан-Кирзе-дель-Вальеседа жойлашган иккита компанияга етказиши керак эди. Бу иккала компанияга ҳам асли келиб чиқиши колумбиялик бўлган испан фуқаролари эгалик қилишади.