Сантьяго Бернабеуда Рафаэль Бенитес "Реал"нинг янги бош мураббийи сифатида таништирилди

Рафаэль Бенитес расман Мадриднинг “Реал” клуби бош мураббийи сифатида таништирилди. “Қироллик клуби” қароргоҳида янги бош мурабббийнинг тақдимот маросими бўлиб ўтди.

Испаниялик мутахассис билан 3 йиллик шартнома имзоланган. 55 ёшли Бенитес икки йил давомида “Наполи” жамоасини бошқарган эди. Неаполликлар А сериянинг сўнгги турида “Лацио”га 2:4 ҳисобида ютқазишди. Айнан ўша ўйин Рафа учун “Наполи” бошқарувидаги сўнгги учрашув бўлиб қолди.

“Мен уйга қайтдим. Ўйлайманки, “Реал” билан янги чўққиларни забт этамиз”, - деди Бенитес.

Рафаэль Бенитеснинг мураббийликдаги фаолияти:

1986-1995: “Реал” Мадрид академияси

1995-1996: “Валядолид” (Испания)

1996-1997: “Осасуна” (Испания)

1997-1999: “Экстремадура” (Испания)

2000-2001: “Тенерифе” (Испания)

2001-2004: “Валенсия” (Испания)

2004-2010: “Ливерпуль” (Англия)

2010-2010: “Интер” (Италия)

2012-2013: “Челси” (Англия)

2013-2015: “Наполи” (Италия)

2015- : “Реал” Мадрид (Испания)