АҚШ Ироққа 450 нафар америкалик ҳарбий юборилганини тасдиқлади

АҚШ ҳукумати Ироққа 450 нафар ҳарбий инструктор юборилгани ҳақидаги маълумотни тасдиқлади. Бу ҳақда Agence France-Presse ахборот агентлиги хабар бермоқда.

Оқ уй берган баёнотда ҳарбийларнинг янги гуруҳи Ироққа юборилиши маҳаллий ҳукуматига ёрдам беришга қаратилган машғулотнинг бир қисми бўлиши айтилмоқда. Қайд этилишича, 3 мингга яқин америкалик инструктор Ироқда ҳарбийлар билан иш олиб борган.

Аввалроқ АҚШ "ИШИД" билан курашиш учун Ироққа бир неча юз ҳарбий маслаҳатчиларни юборишга тайёрланаётгани маълум қилинганди.