Мексикада 15 киши қариялар уйидаги ёнғин қурбони бўлди

Мексиканинг шимолида жойлашган Мехикали шаҳридаги қариялар уйида чиққан ёнғин оқибатида камида 15 киши ҳалок бўлди, деб хабар бермоқда Associated Press ахборот агентлиги.

Мехикали шаҳри мэри Хайме Диас Очоанинг айтишича, яна 5 нафар киши турли куйиш жароҳатлари билан оғир аҳволда қолмоқда. 23 нафар киши шаҳар бошпанасига жойлаштирилган.

Маҳаллий ОАВларнинг маълумотларига кўра, қариялар уйида асосан собиқ бошпанасизлар сақланган.