Франциядаги заводга ҳужум уюштирган шахс қотиллигига иқрор бўлди

26 июнь куни Франциянинг Лион шаҳри яқинидаги кимёвий заводга ҳужум уюштиргани учун қўлга олинган Йессим Сали ўз айбини тан олган. Бу ҳақда BFM TV  хабар берди.

У ўз иқрорида қурбонининг бошини кесиб олишдан олдин уни ўлдирганини маълум қилган.

"У бу ишни онгли равишда амалга оширганини билдирди", дейилади хабарда.

Эслатиб ўтамиз, 26 июнь куни Сен-Кентан-Фалавье шаҳридаги заводга номаълум шахс ҳужум уюштириб, бензин бакларини портлатиб юборди. Воқеа жойида танадан жудо қилинган бош топилган. Бош арабча хатлар туширилган матога ўралган эди.