Путин Россия футболида легионерларга лимитни кучайтириш вазифасини юклади

Россия президенти Владимир Путин спорт вазири ва Россия футбол иттифоқи президенти Виталий Муткога мамлакат футболида хорижий футболчиларга лимитни кучайтириш вазифасини юклади.

“Президент билан гаплашганимда у футболда арзимаган чекловлар қилинганини, янадаям қатъийроқ йўл тутиш кераклигини айтди”, деб таъкидламоқда Мутко.

Жорий мавсумнинг бошланишидан аввал спорт вазирлиги қарори билан Россия футбол премьер-лигасида легионерларга нисбатан “6+5” лимити қабул қилинди. Унга кўра бир жамоа таркибида майдонда бир вақтнинг ўзида 6 нафардан кўпроқ хорижий футболчи ҳаракатлана олмайди.

Янги мавсумда легионерларга “10+15” кўринишдаги лимит белгиланишини тахмин қилинганди. Бунга кўра ҳар бир клуб таркибга 10 та хорижий футболчини кирита олиши мумкин ва шу билан бирга майдонда ҳаракатланадиган легионерлар сони чекланмаслиги керак эди.