Керри: Россиянинг Асадни қўллаб-қувватлаши ихтилофнинг кескинлашишига олиб келади

АҚШ давлат котиби Жон Керри Россия ташқи ишлар вазири Сергей Лавров билан телефон мулоқоти чоғида Россиянинг Сурияда Башар Асад ҳукуматини қўллаб-қувватлаши ихтилофнинг янада кескинлашишига олиб келиши мумкинлигини айтди.

АҚШ Давлат департаменти матбуот хизматининг маълум қилишича, Асадга берилаётган ёрдам экстремизмни қўллаб-қувватлаш деб ҳам баҳоланиши мумкин.
Бундан ташқари, Керри ИШИДга қарши курашаётган коалицияга ҳеч қачон Асад ҳукумати кирмаслигини таъкидлаган.