Саудиялик эркак Ҳажга учинчи марта пиёда боради

Шу кунга қадар икки марта пиёда Ҳажга қилган саудиялик эркак яқинда учинчи шундай сафарни якунламоқда. Бу ҳақда Arabnews портали хабар бермоқда.

Носир Жоруллоҳ ал-Қаҳтоний илгариги иккита сафарини онаси ва шаҳзода Ноифга атаган эди. Учинчи сафар эса Саудия Арабистони асосчиси, қирол Абдулазиз хотирасига бағишланди.

Айтилишича, ал-Қаҳтоний ўз саёҳатини 24 август куни бошлаган. Кейинги сешанба у ўз манзилига етиб келиши кутилмоқда.
У ўз саёҳатини видеокамерага қайд қилиб, интернетга жойлаштириб бормоқда.