АҚШ Европада биринчи марта аксилракета тизимини синовдан ўтказди

АҚШ қуролли кучлари биринчи марта Европада аксилракета тизими дастури бўйича синовлар ўтказди. ТАСС агентлигининг маълум қилишича, улар Атлантика океанида ўқув баллистик ракетасини йўқ қилишган.

“Бу «Стэндард-3» Блок 1А тутувчи ракетасининг биринчи марта АҚШга тегишли бўлмаган ракета полигонидан учирилиши ва баллистик ракетанинг биринчи марта Европа ҳарбий ҳаракатлар театрида тўхтатилиши бўлди”, - деб хабар берди АҚШ ҳарбий денгиз кучлари матбуот хизмати.

Таъкидланишича, ракета Шотландиянинг ғарбий қирғоғидаги ҳарбий полигондан, “Росс” эскадрилья мина ташувчисидан учирилган.