Оқ Уй Россиянинг Сурия бўйича позициясида ўзгаришлар кўрмади

АҚШ маъмурияти Россиянинг Суриядаги инқирозни бартараф қилиш борасидаги позициясида бирор-бир ўзгариш кўрмаяпти. Бу ҳақда Оқ Уй матбуот котиби Жош Эрнест баёнот берди.

У Россия ТИВ расмий вакили Мария Захарованинг илгарироқ айтиб ўтган фикрларини изоҳлади.
“Уларнинг қарашлари ўзгарганига шубҳам бор, - деди Эрнест. – Улар ўз стратегияларини ўзгартиришга тайёрми, номаълум”.

У икки давлат президенти сентябрда Нью-Йоркда ўтган учрашувда сиёсий жараённи бошлашга келишиб олганларини эслатиб ўтди.
“Аммо, - деди Эрнест, - Россиянинг бугунги ёндашуви бунга тўғри келмаяпти”.