Эронда илк бор элчи лавозимини аёл киши эгаллади

Эрон президенти Хасан Руҳонийнинг маълум қилишича, мамлакатнинг Малайзиядаги янги элчиси аёл киши — Марзия Афхам тайинланди. Бу ҳақда ТАСС хабар бермоқда.

“Эронлик хотин-қизлар жамоат, спорт ва бошқарув ишларида фаол иштирок этмоқда. Буни яқинда эронлик аёлнинг элчи лавозимига тайинланганида ҳам кўриш мумкин”, — деди Руҳоний.
Унинг таъкидлашича, Афхамнинг элчи сифатида тайинланиши, мамлакат аёлларининг имкониятларини кенг кўламда ўрганиш имконини беради.