Обама ҳар йиллик матбуот анжуманини 18 декабрда ўтказадиган бўлди

АҚШ президенти Барак Обама 18 декабрь куни Оқ уйда йиллик матбуот анжуманини ўтказади, дея хабар бермоқда Reuters.

Обама журналистлар билан мулоқот олиб борганидан сўнг 2 декабрда отишма содир этилган Калифорниянинг Сан-Бернардино шаҳрига йўл олади.

Президент ҳалок бўлганларнинг оилалари билан бирма-бир учрашади.
Оқ уйнинг расмий вакили Жош Эрнестнинг сўзларига кўра, шундан сўнг Обама Гавайига қишки таътилни ўтказиш учун отланади.

Эслатиб ўтамиз, 2 декабрь куни Калифорния штатининг Сан-Бернардино шаҳрида жойлашган имконияти чекланган кишилар маркази ҳудудида отишма содир этилган эди. Натижада 14 киши ҳалок бўлган, 17 киши жароҳатланган.