Дубайдаги меҳмонхонадаги ёнғин бинонинг 40та қаватига зарар келтирди

Янги йил кириб келиши арафасида Дубай марказидаги Address Downtown меҳмонхонасида юз берган ёнғин туфайли 64 қаватли бинонинг 40 қавати зарарланган. Бу ҳақда Дубай амирлиги Фуқаролик мудофааси раҳбари Тхани ал-Матрушийга асосланиб, РИА Новости хабар тарқатган.

Унинг айтишича, ёнғин маҳаллий вақт билан соат 21:30да бинонинг 20-қаватида бошланган ва томгача юқорилаб борган. Ёнғинни тўлиқ бартараф этиш учун 14 соат давомида ўт ўчириш ишлари олиб борилган.

Кучли шамол ўтни ўчириш ишларига халал бергани айтилган. Бу жараёнга жалб этилган вертолётларнинг ишида самарадорлик кузатилмаган. Ўт ўчириш ишларида 5та гуруҳ ҳаракат қилган.

Айни вақтда ёнғин сабаблари ўрганилмоқда.

Бундан олдинроқ, ёнғин туфайли 15 киши жароҳатланиб, бир киши вафот этгани хабар қилинганди.

Дубай марказидаги меҳмонхона биносида ёнғин чиқди

ТВ: Дубайдаги байрам тадбирлари меҳмонхонадаги ёнғин туфайли бекор қилинмайди

Дубайда меҳмонхонадаги ёнғинга қарамасдан байрам салютлари отилди