Барак Обама ҳеч қачон шахсий қуроли бўлмаганини айтди

АҚШ президенти Барак Обама ҳеч қачон шахсий қуролга эга бўлмаганини тан олди. Бу ҳақда у CNN телеканали орқали аҳоли билан уюштирган суҳбати чоғида айтиб ўтди.

“Ҳеч қачон шахсий қуролим бўлмаган”, - деди у фуқаролардан бирининг саволига жавобан.
Шу билан бирга, у шаҳар четидаги Кэмп-Дэвид қароргоҳида стенд отишмаси ускуналари борлигини ва баъзан ундан фойдаланишини таъкидлаб ўтди.

“Лекин бу билан яхши мерганман демоқчи эмасман”, - қўшимча қилди АҚШ етакчиси.
Эслатиб ўтамиз, Барак Обама қурол-яроғ савдосини назорат қилиш ва тартибини қатъийлаштириш бўйича кампанияни давом эттирмоқда.

Шу ҳафтада Обама барча қурол харидорларини, улар қуролни кўргазмаларда ва интернет орқали сотиб олса ҳам, текшириш ҳақида кўрсатма берди. Шунингдек, президент фақат ўз хўжайинининг қўлида тургандагина отадиган “ақлли” қурол ишлаб чиқаришни таклиф қилди.