Россияда Ил-112 самолёти 2017 йилда илк парвозни амалга оширади

Ил-112 енгил ҳарбий-транспорт самолётининг янги парвозлари 2017 йилда амалга оширилиши кутилмоқда. Бу ҳақда «Газета.ру» Россия савдо-саноат вазири ўринбосари Андрей Богинский берган маълумотга таяниб хабар тарқатди.

«Лойиҳа ишлаб чиқилмоқда. Умид қиламанки, келгуси йилда Ил-112нинг янги парвози амалга ошади», — дейди Богинский.

Шунингдек, ҳарбий коинот кучлари жорий йилда иккита янги транспорт Ил-76МД-90А ҳарбий самолётларини қўлга киритишди. Бу Ил-76 самолётининг вориси бўлиши кўзда тутилган.

Эслатиб ўтамиз, Россия Мудофаа вазирлиги 2013 йилда Ил-112 енгил ҳарбий-транспортини қайтадан ишлаб чиқиш бўйича бир тўхтамга келганди.