Колумбияда 400 киши жиноий тўдалар ўртасидаги можаро сабабли уйларини ташлаб кетишга мажбур бўлди

Колумбиянинг Антьокия департаментида қуролли тўдалар ўртасидаги келишмовчилик сабабли 400 киши ўз уйларини ташлаб, Эль-Багре муниципиалига яширинишга мажбур бўлди. Бу ҳақда 16 январь куни маҳаллий полиция маълум қилди.

Сўнгги маълумотларга кўра, 432 киши қочқинга айланди. Ҳозирда улар Эль-Багре муниципиалига яширинишган. Уларнинг айримлари дўстлари ва қариндошларининг уйларига жойлашган бўлса, бошқалари маҳаллий ҳукумат қочқинлар учун ташкил этган пунктдан бошпана топишди”, - деди маҳаллий полиция майори Франциско Хавьер Нарваэс.

Ҳозирча Колумбия ҳарбий маҳкамаси томонидан айнан қайси жиноий тўдалар жанговар тўқнашувга киришгани тўғрисида расмий маълумот бергани йўқ. Маҳаллий полиция бошлиғининг тасдиқлашича, Колумбия ҳарбийлари жангариларнинг жойлашган ўрнини аниқлаш ҳамда уларнинг қайси бир жиноий тўдага аъзо эканини аниқлашга киришишган.

Антьокия департаменти губернатори Луис Перес Гутьеррес эса криминал тўдалар гиёҳванд моддалар етказиб бериш каналларига эга чиқиш учун ўзаро қуролли можарога киришганини айтиб ўтди. “Бизда кўп миқдордаги ноқонуний гуруҳлар мавжуд бўлиб, улар наркотрафика ва рэкет билан шуғулланиб, жиддий хавф туғдирмоқда”, - деди у.

Колумбия ҳукумати эса қочқинларга инсонпарварлик ёрдамини кўрсатиш, уларни ичимлик суви ва биринчи ёрдам воситалари билан таъминлашга киришган.