Жанубий Корея президенти КХДРга қарши қаттиқ чоралар кўришга чақирди

Жанубий Корея президенти Пак Кин Хе агарда БМТ Хавфсизлик кенгаши КХДРнинг ҳисоб бўйича тўртинчи маротаба ўтказилган ядро синовидан сўнг қатъий чораларни кўрмайдиган бўлса, бу Пхеньян учун ёлғон сигнал вазифасини бажаради, дея хабар қилмоқда “Рёнҳап” агентлиги.

“Агарда бу сафар қатъий ва самарали чоралар қўлланилмаса, халқаро ҳамжамият Шимолий Кореяга нотўғри сигнал юборади ва бу уларнинг бешинчи, олтинчи синовларини ўтказишига халал бермайди”, - деди у.

Вазирлар Маҳкамаси олдида сўзга чиқар экан, Пак Кин Хе КХДР бу каби хатти-ҳаракатлари қандай оқибатларга олиб келиши мумкинлигини аниқ тушуниб етиши кераклигини маълум қилди.