Туркияда қашшоқ ва йўқсиллар интернетдан бепул фойдаланиш мумкин

Туркия ҳукумати кам таъминланган оилалар учун бепул интернет хизматини тақдим этади. "ХаберТюрк" газетаси маълумотига кўра, Оила ва ижтимоий сиёсат ишлари вазирлиги ушбу ташаббус билан чиқди.

Вазир Сем Рамазонўғлининг айтишича, яқин кунларда “Камбағал оилалар учун бепул интернет” лойиҳаси қонуний рўйхатдан ўтади. Ушбу лойиҳадан кўзланган мақсадлардан бири аёллар ва болаларнинг интернетдан фойдаланишини таъминлашдан иборат.
Бунда даромади белгиланган энг кам даражадан паст бўлган оилалар интернетдан бепул фойдаланишлари мумкин.

Хабарларга кўра, Туркияда кабел орқали тезкор интернетга уланиш бир ойда 30-50 долларга тушади. Кам даромадли оилалар учун эса бу кўплик қилади.

“Шунингдек, биз ушбу оилаларни планшетлар ёки стол компьютерлари билан ҳам таъминлаймиз”, - деди Рамазонўғли. Шу йўл билан болаларни турли салбий таъсирга эга ахборотлардан ҳимоя қилиш, қолаверса, интернет кафеларда зарарли одатларни ўрганишдан асраш кўзда тутилмоқда.