Москва жамоат транспортида Wi-Fi пайдо бўлади

2016 йил охирига қадар Москва кўчаларидаги “Мосгортранс” ДУКка тегишли автобус, трамвай ва троллейбуслар Wi-Fi тармоғига уланади. Интернетга йўловчилар бепул улана олади.

“Мосгортранс” раҳбари Евгений Михайловнинг хабар қилишича, интернетдан бир пайтнинг ўзида 15-20 киши фойдалана олади – роутерлар айнан мана шу қувватга мўлжалланади. Биринчи маршрутлар февралдаёқ тармоқ билан таъминланади, аммо уларни синовдан ўтказиш учун вақт талаб қилинади.

2013 йилдан бери Москва метросида бепул Wi-Fi ишлайди. Бундан ташқари, бир қатор йирик боғ ва майдонларда бу нарса ташкил қилинган. Жорий йилда, шунингдек, Москвадаги бир қанча қабристонлар тармоққа уланади.