Довудўғли Байденга Туркия Ироқнинг ҳудудий яхлитлигини ҳурмат қилишини айтди

Туркия бош вазири Аҳмет Довудўғли турк ҳарбийлари Ироққа ИШИД жангарилари билан курашиш учун жўнатилганини ҳамда Анқара Ироқнинг ҳудудий яхлитлигини ҳурмат қилишини айтди. Бу ҳақда Reuters ахборот агентлиги хабар бермоқда.

Довудўғли АҚШ вице-президенти Жо Байден билан берган матбуот-анжуманида Суриянинг қонуний мухолифатигина Сурия бўйича музокараларга жалб қилиниши мумкинлигини айтди.

Довудўғли Байденга Кипрга сафари учун миннатдорчилик билдирди ва АҚШ Кипр бўйича тинчлик музокараларида муҳим роль ўйнашини айтди.

Байден Туркияга сафари давомида мамлакат президенти Ражаб Тойиб Эрдўған билан музокаралар ўтказишни режалаштирган.