Россияда доллар ва евро 5 рублга арзонлашди

Моска биржасида доллар курси 77,98 рублга тушди. Савдо куни давомида АҚШ долларининг қиймати 5 рублга арзонлашди. Бир евро 84,55 рублга баҳоланмоқда (минус 5,1 рубль).

Доллар ҳам, евро ҳам рублга нисбатан деярли 6 фоизга арзонлашган. 23 январь, шанбага доллар ва евронинг расмий курси мос равишда 80,57 ва 87,23 рубль қилиб белгиланди. Бу курс 25 январь, душанбагача амал қилади.

Brent нефти нархи 31,60 долларга етди (аввалги савдо сессиясига нисбатан 7,58 фоиз ўсган).