Шифокорлар эгаллаб турган мансабларини оқлаш учун аттестациядан ўтказилади

Ўзбекистон соғлиқни сақлаш вазирлиги ташкилотларида ишлайдиган шифокорлар йилига бир марта эгаллаб турган лавозимларидан келиб чиққан ҳолда мажбурий аттестациядан ўтказилади. Бу Вазирлар Маҳкамасининг 21 январдаги қарорида кўзда тутилган.

Ҳужжат раҳбар кадрларга нисбатан жорий қилинмайди, уларга нисбатан бошқача тартиб кўзда тутилган. Аттестация беш йилда бир марта, илгариги аттестациядан ўтилгани ҳақидаги сертификат муддати тугаганидан сўнг уч ой вақт ичида ўтказилади.

Бакалавриатни, магистратурани, клиник ординатурани ва илк ихтисослик курсларини тамомлаганидан сўнг биринчи марта ишга қабул қилинган шифокорлар тегишли мутахассислик бўйича уч йил ишлаганидан сўнг уч ой муддатда аттестациядан ўтказилиши лозим бўлади.

Аттестацияга арзирли сабабсиз келмаган шахсга огоҳлантириш берилади, бу ҳол такрорланса, у эгаллаб турган лавозимига номуносиб деб топилиши мумкин. Эгаллаб турган мансабига шартли равишда лойиқ деб топилган шифокор 144 соатлик пуллик малака ошириш курсларига йўлланади ва бир йил давомида қайтадан аттестациядан ўтказилади.

Мансабига нолойиқ деб топилган шифокорга нисбатан муассаса раҳбарияти томонидан меҳнат кодексига мувофиқ чора кўрилади ёхуд у бошқа ихтисослик бўйича вакант ўринга ўтказилади.