«Ювентус» А сериядаги ғалабали сериясини 11та ўйинга етказди

Италия чемпионатининг 21-турида «Ювентус» «Рома»ни қабул қилди.

Ушбу ўйинда туринликлар 1:0 ҳисобидаги ғалабани тантана қилишди.

Ўйиннинг 77-дақиқасида Пауло Дибала томонидан урилган гол якунда Массимиллиано Аллегри шогирдларига ғалабани тақдим этди.

Шу тариқа, «Ювентус» ғалабали сериясини 11та ўйинга етказди. Жамоа айни вақтда 45 очко билан иккинчи ўринда бормоқда ва биринчи ўриндаги «Наполи»ни 2 очколик фарқ билан таъқиб қилмоқда.

«Ювентус» охирги марта 2015 йилнинг 28 октябрида мағлуб бўлганди. Ўшанда Массимиллиано Аллегри шогирдлари «Сассуоло»га 0:1 ҳисобида ютқазганди.

Шундан кейин жамоа қуйидаги жамоаларни енгди: «Торино» (2:1), «Эмполи» (3:1), «Милан» (1:0), «Палермо» (3:0), «Лацио» (2:0), «Фиорентина» (3:1), «Карпи» (3:2), «Верона» (3:0), «Сампдория» (2:1), «Удинезе» (4:0) ва «Рома».

Италия чемпионати, 21-тур

Ювентус – Рома 1:0 (0:0, 1:0)
Гол: 1:0 – 77 Дибала.
Ювентус – Буффон, Бардзальи, Бонуччи, Кьеллини, Лихтштайнер (Куадрадо, 66), Хедира, Маркизио, Погба, Эвра, Дибала (Мората, 85), Манджукич.
Рома – Шченсни, Манолас, де Росси, Рюдигер, Флоренци (Торосидис, 90), Венкер (Кейта, 71), Пьянич, Динь, Наингголан, Джеко, Салах (Умар, 90).
Огоҳлантиришлар: де Росси (9), Рюдигер (14), Манджукич (50), Пьянич (50), Эвра (88), Наингголан (90).