Ражаб Адашев тарихий фильмлар нега суратга олинмаслигини изоҳлади

Ўзбекистон Халқ артисти Ражаб Адашев ЎзДЖТУ Халқаро журналистика факультети талабалари билан ижодий учрашувда иштирок этди.

Мулоқот давомида санъаткор болалик хотиралари, мустақилликка эришиш даврлари, Зулфиқор Мусоқовнинг "Абдуллажон" фильми ҳақидаги қизиқарли фактлар ва жараёнлар тўғрисида ёш журналистларга сўзлаб берди.

Актёр бугунги кун ўзбек киноси ютуқ ва камчиликлари тўғрисидаги фикрлари билан ўртоқлашар экан, “бир лаҳзалик“ фильмларимизнинг экранда тобора кўпайиб бораётгани сабабини "ҳали катта қозонларда қайнамаган" режиссёрларнинг дунёқараши билан боғлади.

Шунингдек, талабаларнинг миллий тарихий фильмлар кам суратга олинаётганлиги ҳақидаги саволига Ражаб Адашев етарли маблағ ажратилмаётгани ва катта меҳнат талаб этилиши билан изоҳ берди.

Умуман олганда, учрашув самимий руҳи билан актёрнинг бой профессионал фаолиятига яна бир бор назар солиш имконини тақдим этди.
Миржаҳон Юсупов,
ЎзДЖТУ талабаси.