Саудиянинг БМТдаги миссияси эвакуациядан сўнг ишга қайтди

Саудия Арабистонининг БМТдаги миссияси сешанба куни шубҳали етказма олганидан сўнг ишини тўхтатган эди. Сиёсий ваколатхона эвакуация қилинганди, аммо бир неча соатлардан сўнг текширув ишлари битирилиб, ходимлар ўз иш ўринларига қайтдилар.

Почта билан юборилган етказмада ҳеч нарса йўқ экан, деб хабар беради РИА Новости дипломатик ваколатхонага таянган ҳолда.
Ходимлар тезда Нью-Йорк полициясига қўнғироқ қилиб, ёрдам чақирган. Полиция қутини сканердан ўтказиб, унинг ичи бўшлигини аниқлаган.