ОАВ: Россиядаги пойафзал компаниялари Туркия билан алоқалар узилгани боис қийинчиликларга учрамоқда

Россиянинг туркиялик ишлаб чиқарувчилар билан ишлаб келган пойафзал компаниялари ушбу давлат билан муносабатларнинг бузилиши оқибатида 2016 йили қийналиб қолишди, деб ёзади “Известия” газетаси.

Айтилишича, мамлакатнинг энг йирик ритейлерлари – Zenden, Tervolina, “Юничел”, “Эконика” Туркия пойафзалини, терисини ва бошқа деталларни сотиб келган.

Пойафзал расман санкцияларга тортилмаган бўлса-да, ритейлерлар ҳар эҳтимолга қарши етказмаларни Хитой, Руминия, Бразилия ва бошқа давлатлар ёрдамида диверсификация қилишди. Туркияга Россия бозорининг 10 фоизи тўғри келарди.

Ритейлернинг таъкидлашича, чегарадаги кўп ҳолларда аниқ сабабларсиз етказмаларни ушлаб қолиши кузатилмоқда. Жумладан, Челябинскнинг “Юничел” компанияси узоқ вақтдан бери Туркиядан келаётган ошланган тери партиясини чегарадан ўтказа олмаяпти.