Назарбоевнинг қизи продюсерлигидаги фильм 2016 йилда прокатга чиқарилади

Қозоғистон президенти Нурсултон Назарбоевнинг иккинчи қизи Алия Назарбоева ҳомийлигида суратга олинган "Оналикка йўл" номли фильм жорий йилда прокатга чиқарилади. 

"Фильм катта экранларда намойиш этилиши шу йилнинг ўзида рўй беради", дейилган "Казахфильм" киностудияси матбуот хизмати томонидан.

Бу картина Иккинчи жаҳон урушидаги ғалабанинг 70 йиллигига бағишланган. Фильмни суратга олиш ишлари Қозоғистон, Беларусь ва Озарбайжонда амалга оширилган. Фильм режиссёри - Акан Сатаев.

Беларусда суратга олинган жанг саҳналарида 500га яқин киши ҳамда 300дан ортиқ ҳарбий техникадан фойдаланилган.