Орегонда тўрт фермер қўриқхона биносини қўлга олди

АҚШнинг Орегон штатида фермерлар ўз норозилигини ифодалаш учун қўриқхонанинг маъмурий биносини қўлга олди, деб хабар беради Reuters агентлиги. 

ФҚБнинг маълум қилишича, қўлга олинган бинода тўрт киши бор. Қўриқхонадан чиққан уч фермер эса ҳибсга олинган. Орегонда исён кўтарган қуролланган фермерлар бир неча кундан буён ҳукумат кучларига қаршилик кўрсатмоқда. Аммон Банди бошчилигидаги гуруҳ иқтисодий қийинчиликларга учраган фермерлардан иборат бўлиб, улар давлатнинг ўз муаммоларига эътиборсизлиги туфайли исён кўтарган. Гуруҳ раҳбарини қўлга олиш чоғида бўлган отишмада фермерлардан бири ўлдирилди, Аммон Бандининг укаси Райан яраланди.