Қатарда 525 от кучига тенг суперкар яратилмоқда

Elibriea компанияси Қатарда ишлаб чиқарилган биринчи суперкар прототипини намойиш қилди. General Motors`нинг қуввати 525 от кучига тенг двигатели ўрнатилган концепт-кар Дохадаги моторшоуда тақдим этилди.

Gulf Times хабарига кўра, прототипни яратиш устида икки ярим йил иш олиб борилди.
Elibriea прототип ҳақида бошқа тафсилотларни ошкор қилмади. Бироқ компания расмий сайтида янги модел Equvallas деб номланиши айтиб ўтилган.

Туркум ишлаб чиқарилувчи моделга буюртмалар 2016 йилнинг мартидан қабул қилина бошлайди. Савдо намунаси эса жорий йил декабридан ишлаб чиқарилиши лозим.

Таъкидлаш жоизки, Ливаннинг W Motors компанияси томонидан ишлаб чиқарилган Lykan Hypersport купеси биринчи араб суперкарига айланган. У 2013 йил ноябрида тақдим этилган. Икки эшикли суперкар 750 от кучига эга бўлиб, юз километр соат тезликка чиқиши учун 2,8 сония сарфлайди.