Актёрлар Харрисон Форд ва Энтони Хопкинс махсус хизматлар ҳақидаги фильмда суратга тушадилар

Голливудлик машҳур актёрлар Харрисон Форд ва Энтони Хопкинс махсус хизматлар ҳақидаги “Давлат сирлари” деб номланган фильмда суратга тушадилар, деб хабар бермоқда The Hollywood Reporter нашри. Лойиҳада, шунингдек, Натали Дормер, Пол Беттани ва Мартин Фримен ҳам иштирок этадилар.

Фильм реал воқеаларга асосланган бўлиб, у “Урушни тўхтатмоқчи бўлган жосус аёл: Кэтрин Ган ва Ироққа кириш учун рухсат олиш бўйича маҳфий фитна” деб номланган китоб асосида суратга олинади.

Ўз вақтида Буюк Британиянинг собиқ бош вазири Тони Блэр махсус хизмат ходими Кэтрин Ганнинг радиоушлаши сабабли ноқулай ҳолатга тушган. Ган ОАВларда АҚШ махсус хизматлари британиялик ҳамкасбларидан БМТ телефонларини тинглашни ташкиллаштиришда ёрдам беришлари сўралган электрон мактуб мазмунини ошкор қилганди. Марказий разведка бошқармаси Ироқдаги урушнинг бошланишига қарши чиқаётган давлатлар вакилларини тинглашни сўраган.

Ганга давлат сирини ошкор қилгани учун қамоқ жазоси хавф солган. Бироқ фуқаролик ҳуқуқлари курашчиси Жесси Жексон, актёр Шон Пенн, “Эркинлик” ҳуқуқни ҳимоя қилиш гуруҳи ҳамда АҚШлик конгрессменлар аёлни ҳимоя қилишга тушишган. Натижада суд Ганни оқлаган.

Актриса Натали Дормер Ган, Беттани ва Фримен The London Observer ходимлари ролини ижро этадилар. Хопкинс эса истеъфодаги британ генерали, Форд эса МРБ ходими ролини ўйнайди.

Фильмни суратга олиш ишлари май ойида Буюк Британияда бошланади.