Мичигандаги отишма қурбонлари сони 7 нафарни ташкил этди

Американинг Мичиган штати шимолидаги Каламазо шаҳрида 21 февраль куни йўлдаги машина ичидан тартибсиз равишда ўт очилиши натижасида қурбон бўлганлар сони 7 нафарни ташкил қилди. Қурбонлардан бири 14 ёшли қиз бўлди. Бу ҳақда Associated Press хабар тарқатган.

Полиция маълумотига кўра, яна 3 киши ўқ тегиши натижасида олинган жароҳатлар билан шифохонага олиб борилган.

Қайд этилишича, бу жиноятни содир этган шахс шаҳар кўчасида кетаётган йўловчиларни ўққа тутган. Полиция бу жиноятчини қидирмоқда.