Бокудаги Starbucks қаҳвахонасига жойлаштирилган реклама халқаро можарога сабаб бўлишига бир бахя қолди

Озарбайжон пойтахти Боку шаҳридаги Starbucks қаҳвахонасига «Колумбияликларнинг "Нарино" қаҳвасини тотиб кўринг. P.S. Бу кокаин эмас» ёзувли реклама жойлаштирилди. Бу вивеска эса Колумбиянинг собиқ президенти Андрес Пастраннинг диққатини ўзига тортди. У Бокуга IV Глобал форумда иштирок этиш учун ташриф буюрганди. Бу ҳақда haqqin.az хабар ёзган.

Бу реклама собиқ президентнинг ғазабини келтирган. У қаҳвахонада суратга тушган ва суратни твиттерига жойлаштирган. Унинг бу твити колумбияликлар ўртасида ҳам норозиликларни келтириб чиқарди. Улар Starbucks томонидан қилинган ҳаракатни ҳақорат сифатида қабул қилишган.

@Starbucks is a shame how your branch in Baku advertises our colombian coffee. cc @AndresPastrana_ pic.twitter.com/lEpgKsfE56

— Fernando Solórzano (@FndoSolorzano) 12 марта 2016 г.

Кўп ўтмасдан Озарбайжон элчихонаси ва Starbucks раҳбарияти бунинг учун расман узр сўраган.