«Вест Ҳэм» янги стадионидаги илк учрашувни «Ювентус»га қарши ўтказади

Лондонда таъмирдан чиқарилган ва бундан кейин «Вест Ҳэм» жамоаси уй учрашувларини ўтказадиган Олимпия стадионидаги илк учрашув «Ювентус»га қарши кечади.

Ушбу учрашув Betway Cup тижорий турнири доирасида 7 август куни ўтказилади.

Бундан олдинроқ, «Вест Ҳэм» 60 минг томошабин сиғими учун мўлжалланган ушбу стадионни йилига 2,5 млн фунтдан тўлаш эвазига 99 йил муддатга ижарага олгани маълум қилинганди.