Қўшимча функционаллар
-
Тунги кўриниш
Қирғизистон ўз фуқароларининг Истанбул терактига алоқасини тасдиқлаганича йўқ
© AFP
Расмий Бишкек ўз фуқароларининг Истанбул аэропортида содир этилган жиноятларга алоқадорлигини расман тасдиқлагани йўқ. Қирғизистон президенти девони раҳбарининг ўринбосари Сапар Исоқов, журналистларнинг саволига жавоб берар экан, шу ҳақда маълум қилган.
Эслатиб ўтамиз, 28 июнь куни Туркиянинг Ататурк халқаро аэропортига кираверишда, чиқишда ва автотураргоҳда содир этилган уч портлашда 44 киши қурбон бўлган, 239 нафар одам яраланган эди. Ҳалок бўлганларнинг 19 нафари хорижлик фуқаролар бўлгани айтилганди.
Туркия президенти Ражаб Тоййиб Эрдўған қўпорувчиликларга алоқадорликда гумон қилиниб, 30 киши ҳибсга олинганини маълум қилганди. Унинг сўзларига кўра, фожиага Доғистон, Қирғизистон ва Тожикистон фуқаролари алоқадор.
Исоқов, қирғиз фуқароларининг фожиада иштирок этганини тасдиқлаш имкони ҳозирча йўқлиги, буни аниқлаш бўйича қонуний аниқлаш жараёни олиб борилаётганини айтган.
Унинг айтишича, "қачонки аниқ маълумот кўлга киритилса, республика ИИВ матбуот брифинги ўтказади".
Мавзуга оид
09:20
Чегарадан ноқонуний олиб ўтилган 1,1 млрд сўмлик олтин қўлга олинди
10:00 / 01.12.2025
Қирғизистондаги сайловлар: Жапаровга содиқ номзодлар деярли барча округда ғалаба қозонди
17:04 / 30.11.2025
Мухолифатчилар ҳибсга олиниши ва энергетика инқирози. Қирғизистонда навбатдан ташқари парламент сайловлари қандай шароитда ўтмоқда?
11:20 / 30.11.2025